27 Johanne a araba, a re: “Motho a ke ke a amohela letho haese ha a le newa le etswa lehodimong.
28 Lona ka sebele le ka mpakela hore ke itse: <Nna ha ke Kreste, empa ke romilwe ho mo etella pele.>
29 Ya nang le monyaduwa ke monyadi, empa motswalle wa monyadi, ya emeng pela hae, mme a mo utlwa, o ye a thabe haholo ka baka la lentswe la monyadi. Ha ho le jwalo, thabo ena ya ka e phethahetse.
30 Eka kgona yena a hole, empa nna ke nyenyefale.
31 “Ya tswang hodimo o kahodimo ho bohle; ya tswang lefatsheng ke wa lefatshe, mme o bua tsa lefatshe. Ya tswang lehodimong o kahodimo ho bohle;
32 seo a se boneng, a se utlwa, o a se paka, empa ha ho ya amohelang bopaki ba hae.
33 Ya amohetseng bopaki ba hae, o tiisitse hore Modimo ke nnete.