30 Eka kgona yena a hole, empa nna ke nyenyefale.
31 “Ya tswang hodimo o kahodimo ho bohle; ya tswang lefatsheng ke wa lefatshe, mme o bua tsa lefatshe. Ya tswang lehodimong o kahodimo ho bohle;
32 seo a se boneng, a se utlwa, o a se paka, empa ha ho ya amohelang bopaki ba hae.
33 Ya amohetseng bopaki ba hae, o tiisitse hore Modimo ke nnete.
34 Eo Modimo a mo romileng o bolela dipolelo tsa Modimo, hobane Modimo o fana ka Moya ho se tekanyetso.
35 Ntate o rata Mora, mme o beile tsohle matsohong a hae.
36 Ya dumelang ho Mora o na le bophelo bo sa feleng, empa ya sa mameleng Mora a ke ke a bona bophelo, mme kgalefo ya Modimo e tla ba hodima hae kamehla.”