15 A re ho bona: “Hlokomelang, le pheme meharo yohle, hobane bophelo ba motho ha bo tswe bongateng ba maruo ao a nang le wona.”
16 Jwale a ba bolella setshwantsho, a re: “Tshimo ya morui e mong e ne e behile haholo.
17 A nahana ka pelong ya hae, a re: <Ke tla etsang, ha e le moo ke se na moo nka bokellelang dijo tsa ka teng?>
18 “Yaba o re: <Ke tla etsa hona: Ke tla qhaqholla disiu tsa ka, ke etse tse di fetang ka boholo, ke bokelle teng koro yohle le dijo tsa ka,
19 mme ke tla re ka moyeng wa ka: Ke na le dijo tse ngata, tse bokeletsweng ka dilemo tse ngata; a nke ke phomole, ke je, ke nwe, ke keteke!>
20 “Empa Modimo a re ho yena: <Lewatla towe, ka bosiu bona o tla amohuwa bophelo ba hao; jwale tseo o di lokisitseng e tla ba tsa mang?>
21 “O jwalo ya ipokellelang matlotlo, empa e se morui mahlong a Modimo.”