23 Hape le tlise namane e nontshitsweng, le e hlabe, re je, mme re keteke,
24 kahobane mora enwa wa ka o ne a shwele, empa o boetse o a phela; o ne a lahlehile, jwale o fumanwe.> Yaba ba qala ho keteka.
25 “Mora wa hae e moholo o ne a le naheng. Ha a kgutla, mme a se a atametse ntlo, a utlwa diletsa le motjeko.
26 A bitsa e mong wa bahlanka, a mmotsa, a re: <Ho etswang moo?>
27 “Eo a re ho yena: <Moena hao o fihlile, mme ntatao o mo hlabetse namane e nontshitsweng, kahobane a boetse a mo fumane a sa phela hantle.>
28 “A halefa, a hana ho kena. Ntatae a tswa, a mo rapela.
29 Empa a araba, a re ho ntatae: <Bona, ke o sebeleditse dilemo tse kanakana, ke bile ke eso ka ke tlola le taelo ya hao, feela ha o eso nnee le potsanyane, hore nke ke keteke le metswalle ya ka,