31 “Simone, Simone, bona, Satane o le kopile hore a le hlokole jwaloka koro,
32 empa ke o rapeletse hore o se ke wa fellwa ke tumelo. Jwale wena, ha o se o bakile, o matlafatse bana beno.”
33 Simone a re ho yena: “Morena, ke itokiseditse ho ya le wena tjhankaneng le lefung.”
34 Empa Jesu a re: “Petrose, ke a o bolella hore kajeno, pele mokoko o lla, o tla be o se o ntatotse hararo, o re ha o ntsebe.”
35 Jesu a re ho bona: “Ha ke ne ke le romile le se na sepatjhe, mokotla, le meqathatso, na le ile la haellwa ke letho?”Ba re: “Le letho.”
36 A re ho bona: “Empa jwale, ya nang le sepatjhe a se nke, le wona mokotla ka mokgwa o jwalo. Ya hlokang sabole a rekise seaparo sa hae, a e reke.
37 Ke a le bolella hore se ngotsweng, se reng: <O baleletswe le baetsadibe>, eka kgona se phethahale ho nna, hobane se ngotsweng ka nna se tla phethahala.”