3 diaparo tsa hae tsa qala ho benya, tsa eba tshweu bja! ka mokgwa oo ho se nang sehlatswi se lefatsheng se ka tsebang ho sweufatsa hakaalo.
4 Elia le Moshe ba iponahatsa ho bona ba ntse ba bua le Jesu.
5 Petrose a re ho Jesu: “Moruti, ke hantle ha re le mona; a re hlomeng maphephe a mararo, le leng e be la hao, le leng e be la Moshe, le leng e be la Elia.”
6 A se ke a tseba hore na a ka reng, hobane ba ne ba tshohile haholo.
7 Leru la hlaha, la ba kgurumetsa, mme lentswe le tswang lerung la re: “Enwa ke Mora wa ka eo ke mo ratang, mo mameleng.”
8 Hanghang ha ba qamaka, ba se ke ba bona motho ya nang le bona haese Jesu feela.
9 Ha ba ntse ba theoha thabeng, Jesu a ba laya hore ba se ke ba phetela motho tseo ba di boneng, haese ha Mora Motho a se a tsohile bafung.