4 Simone Motjhesehi le Judase Isekariota, ya bileng a eka Jesu.
5 Jesu a roma bao ba leshome le metso e mmedi, a ba laela, a re: “Le se ke la ya dinaheng tsa bahedene, leha e le ho kena metseng ya Basamaria;
6 le mpe le ye dinkung tse lahlehileng tsa ntlo ya Iseraele.
7 Le ye, le ntse le phatlalatsa, le re: <Mmuso wa mahodimo o atametse.>
8 Fodisang bakudi, tsosang bafu, hlwekisang balepera, lelekang bademona; le amohetse feela, fanang feela.
9 Le se ke la nka tjhelete ya kgauta, ya silefera, kapa ya lethose dipatjheng tsa lona.
10 Maetong a lona le se ke la nka thoto, leha e le seaparo sa bobedi, kapa meqathatso, kapa lere. Ya sebetsang o lokelwa ke dijo tsa hae.