23 A bolaya monna wa Moegepeta, wa seqhobane, eo bolelele ba hae bo neng bo feta dimethara tse pedi. Moegepeta eo o ne a tshwere lerumo le lekaalo ka mofeng wa motjhine o ohlang, empa Benaya a ya ho yena a tshwere molamu; a hlotha lerumo letsohong la Moegepeta, a mmolaya ka lerumo leo la hae.
24 Tsena ke tsona diketso tsa Benaya, mora wa Jehoyada, tse ileng tsa mo tumisa hara ba mashome a mararo.
25 O ne a tumile ho feta ba mashome a mararo, empa a sa tuma jwaloka balaodi ba bararo ba pele. Davida a mo etsa mookamedi wa balebedi ba hae.
26 Bahale ba bang ba Davida e ne e le Bana: Asaele, ngwanabo Joabe, le Elehanane, mora wa Dodo wa Betlelehema,
27 le Shamote wa Harode, le Helese wa Mopelone,
28 le Ira mora wa Ikeshe wa Tekowa, le Abiesere wa Anatote,
29 le Sibekai wa Husha, le Ilai wa Ahohi,