1 Setjhaba sohle sa Juda sa bea Usiya setulong sa Amasiya, ntatae. O ne a ena le dilemo tse leshome le metso e tsheletseng.
2 Ke yena ya ileng a haheletsa Elate, a ba a e kgutlisetsa ho setjhaba sa Juda. Kamorao ho moo kgosi Amasiya a shwa.
3 Usiya o ne a ena le dilemo tse leshome le metso e tsheletseng ha a qala ho busa. A busa ka lemo tse mashome a mahlano a metso e mmedi, a le Jerusalema. Lebitso la mmae e ne e le Jekoleya, eo ha habo e neng e le Jerusalema.
4 A kgahlisa Morena jwalokaha ntatae, Amasiya, a ile a etsa.