1 Morena a bua ho Moshe, a re:
2 “Bua le Arone, o re ho yena: <Ha o hotetsa mabone, mabone ao a supileng a tla bonesa kapele ho sedulwana.> ”
3 Arone a etsa jwalo, a hotetsa mabone hore a bonese kapele ho sedulwana, jwalokaha Morena a ne a laetse Moshe.
4 Sedulwana se ne se entswe ka kgauta e thutsweng; ho tloha lenonong la sona ho isa dipaleseng tsa sona, e ne e le ntho e le nngwe, e le mosebetsi o thutsweng, ho ya ka setshwantsho seo Morena a neng a se bontshitse Moshe.
5 Morena a bua ho Moshe, a re:
6 “Ntsha Balevi kahara bana ba Iseraele, o ba hlwekise.