20 Feela haeba o ka bolela taba ena ya rona, re tla be re lokolohile kanong ena eo o re hlapantshitseng yona.”
21 Yaba o re: “A ho be jwalokaha le bolela.” A ba lokolla, ba tsamaya. A sala a tlama kgwele e kgubedu fesetereng.
22 Ba tsamaya, ba fihla thabeng. Ba hlola teng matsatsi a mararo, ho fihlela baphaladisi ba bona ba be ba kgutla. Baphaladisi bao ba ba batla hohle tseleng, empa ba se ke ba ba fumana.
23 Jwale banna bao ba babedi ba tloha, ba theoha thabeng, ba tshela, ba fihla ho Joshua, mora wa Nune; ba mo tsebisa tse ileng tsa ba hlahela.
24 Ba re ho Joshua: “Ruri Morena o re neile naha eo yohle; ho feta mona, baahi bohle ba yona ba tshositswe haholo ke ho utlwa hore re a tla.”