52 Kamora hoba a etse nyehelo e tlosang sebe ka madi a nonyana, le ka metsi a sa tswa kguwa sedibeng, le ka nonyana e ntseng e phela, le ka thupa ya kedare, le ka lehlaku la hisopa, le ka kgwele e kgubedu,
53 o tla tlohela nonyana e ntseng e phela hore e fofele naheng, kantle ho motse. Ha a se a etseditse ntlo ena nyehelo ya tefelo ya sebe, e tla ba e hlwekile.”
54 Ona ke molao wa mefuta yohle ya lefu la lepera, le wa mmokwana;
55 le wa lepera le diaparong le le ka matlung;
56 le wa makukuma, le wa lekgwekgwe, le wa mabadi a benyang, le wa ditlapedi.
57 Ona ke molao wa lepera, ho re ruta ho tseba ha ntlo e le sesila, kapa e hlwekile.