13 نتیجے میں تمہیں میری گواہی دینے کا موقع ملے گا۔
14 لیکن ٹھان لو کہ تم پہلے سے اپنا دفاع کرنے کی تیاری نہ کرو،
15 کیونکہ مَیں تم کو ایسے الفاظ اور حکمت عطا کروں گا کہ تمہارے تمام مخالف نہ اُس کا مقابلہ اور نہ اُس کی تردید کر سکیں گے۔
16 تمہارے والدین، بھائی، رشتے دار اور دوست بھی تم کو دشمن کے حوالے کر دیں گے، بلکہ تم میں سے بعض کو قتل کیا جائے گا۔
17 سب تم سے نفرت کریں گے، اِس لئے کہ تم میرے پیروکار ہو۔
18 توبھی تمہارا ایک بال بھی بیکا نہیں ہو گا۔
19 ثابت قدم رہنے سے ہی تم اپنی جان بچا لو گے۔