1 Ngakho mina siboshwa eNkosini ngiyanincenga ukuba nihambe ngokufanele ukubizwa enabizwa ngakho,
2 ngokuthobeka konke nobumnene, ngokubheka kade nokubekezelelana ngothando,
3 nikhuthalele ukugcina ubunye bukaMoya ngesibopho sokuthula;
4 munye umzimba, munye uMoya, njengalokho nabizelwa ethembeni linye lokubizwa kwenu;
5 yinye iNkosi, yinye inkolo, munye umbhapathizo;
6 munye uNkulunkulu, uYise wabo bonke, ophezu kwabo bonke, okubo bonke, ophakathi kwabo bonke.
7 Kepha yilowo nalowo kithina uphiwe umusa ngokwesilinganiso sesipho sikaKristu.