31 Laat hulle die Here loof om sy goedertierenheid en om sy wonderdade aan die mensekinders.
32 En laat hulle Hom verhoog in die vergadering van die volk en Hom roem in die kring van die oudstes.
33 Hy het riviere ’n woestyn gemaak en waterfonteine ’n dorsland,
34 vrugbare land ’n brak aarde, oor die boosheid van die wat daarin woon.
35 Hy het die woestyn ’n waterplas gemaak en die dor land waterfonteine;
36 en Hy het hongeriges daar laat bly, en hulle het ’n stad gestig om in te woon.
37 En hulle het lande gesaai en wingerde geplant wat vrugte as opbrings verskaf het.