1 ’n PSALM van Dawid. Die aarde behoort aan die Here en die volheid daarvan, die wêreld en die wat daarin woon;
2 want Hý het dit gegrond op die seë en dit vasgestel op die strome.
3 Wie mag klim op die berg van die Here? En wie mag staan in sy heilige plek?
4 Hy wat rein van hande en suiwer van hart is, wat sy siel nie ophef tot nietigheid en nie vals sweer nie.
5 Hy sal seën wegdra van die Here en geregtigheid van die God van sy heil.
6 Dit is die geslag van hulle wat na Hom vra, wat u aangesig soek — dit is Jakob. Sela.
7 Hef op julle hoofde, o poorte, ja, verhef julle, ewige deure, dat die Erekoning kan ingaan!