4 Want die woord van die Here is reg, en al sy werk is met trou.
5 Hy het geregtigheid en reg lief; die aarde is vol van die goedertierenheid van die Here.
6 Deur die Woord van die Here is die hemele gemaak en deur die Gees van sy mond hulle hele leër.
7 Hy versamel die waters van die see soos ’n hoop; Hy bêre die wêreldvloede weg in skatkamers.
8 Laat die hele aarde vir die Here vrees; laat al die bewoners van die wêreld vir Hom bedug wees;
9 want Hý het gespreek, en dit was; Hý het gebied, en dit staan.
10 Die Here vernietig die raad van die nasies, Hy verydel die gedagtes van die volke.