8 Sion hoor dit en is bly, en die dogters van Juda juig oor u oordele, o Here!
9 Want U, Here, is die Allerhoogste oor die hele aarde; U is hoog verhewe bo al die gode.
10 o Liefhebbers van die Here, haat die kwaad! Hy bewaar die siele van sy gunsgenote, Hy red hulle uit die hand van die goddelose.
11 Die lig is vir die regverdige gesaai en vrolikheid vir die opregtes van hart.
12 o Regverdiges, wees bly in die Here, en loof sy heilige gedenknaam!