1 Die seuns van Levi was Gerson, Kehat en Merari.
2 Die seuns van Kehat was Amram, Jishar, Hebron en Ussiël.
3 Die kinders van Amram was Aäron, Moses en Mirjam. Die seuns van Aäron was Nadab, Abihu, Eleasar en Itamar.
4 Eleasar was die pa van Pinehas, Pinehas was die pa van Abisua,
5 Abisua was die pa van Bukki, Bukki was die pa van Ussi,
6 Ussi was die pa van Seragja, Seragja was die pa van Merajot,
7 Merajot was die pa van Amarja, Amarja was die pa van Agitub,
8 Agitub was die pa van Sadok, Sadok was die pa van Agimaäs,
9 Agimaäs was die pa van Asarja, Asarja was die pa van Joganan,
10 Joganan was die pa van Asarja. Dit was hierdie Asarja wat die priester was in die tempel wat Salomo in Jerusalem gebou het.
11 Asarja was die pa van Amarja, Amarja was die pa van Agitub,
12 Agitub was die pa van Sadok, Sadok was die pa van Sallum,
13 Sallum was die pa van Gilkija, Gilkija was die pa van Asarja,
14 Asarja was die pa van Seraja, Seraja was die pa van Josadak.
15 Josadak het saamgegaan toe die Here vir Nebukadnesar gestuur het om die mense van Juda en Jerusalem te vang en weg te vat.
16 Die seuns van Levi was Gersom, Kehat en Merari.
17 Die name van die seuns van Gersom was Libni en Simi.
18 Die seuns van Kehat was Amram, Jishar, Hebron en Ussiël.
19 Die seuns van Merari was Magli en Musi.En hier is nou die families in die nageslag van Levi:
20 Die nageslag van Gersom was die families Libni, Jagat, Simma,
21 Joag, Iddo, Serag en Jeatrai.
22 Die nageslag van Kehat was die families Amminadab, Korag, Assir,
23 Elkana, Ebjasaf, Assir,
24 Tagat, Uriël, Ussija en Saul.
25 Die nageslag van Elkana was die families Amasai, Agimot,
26 Elkana, Sofai, Nagat,
27 Eliab, Jerogam en Elkana.
28 Die seuns van Samuel was Joël, die oudste seun, en Abija, die tweede seun.
29 Die nageslag van Merari was die families Magli, Libni, Simi, Ussa,
30 Sima, Gaggija en Asaja.
31 Dawid het mense gekies en aangestel om by die tempel te sing nadat hy die kis van die Here op sy plek gesit het.
32 Hulle werk was om te sing voor die tempel-tent, die tent waar die Here aan die Israeliete verskyn het. Hulle het dit daar gedoen totdat Salomo die tempel in Jerusalem gebou het. Hulle het beurte gekry om in die tempel te sing.
33-38 Hier is die name van die manne wat saam met hulle seuns gesing het:Van die nageslag van Kehat was daar Heman seun van Joël. Heman moes by die tempel sing. Sy voorvaders was Levi seun van Israel, Kehat, Jishar, Korag, Ebjasaf, Assir, Tagat, Sefanja, Asarja, Joël, Elkana, Amasai, Magat, Elkana, Sif, Toag, Eliël, Jerogam, Elkana en Samuel.
39-43 Asaf seun van Berekja het saam met Heman gesing, en hy het regs langs Heman gestaan. Sy voorvaders was Levi, Gersom, Jagat, Simi, Simma, Etan, Adaja, Serag, Etni, Malkija, Baäseja, Mikael en Sima.
44-47 Links langs hulle het Etan seun van Kisi gestaan. Hy was van die nageslag van Merari, en sy voorvaders was Levi, Merari, Musi, Magli, Semer, Amsi, Gilkija, Amasja, Gasabja, Malluk en Abdi.
48 Die ander Leviete moes die ander werk doen by die tempel van God.
49 Aäron en sy seuns moes die hoog-gewyde werk doen, hulle moes die offers aan die brand steek op die brandoffer-altaar en op die wierook-altaar. Hulle moes versoening doen vir die sondes van die Israeliete. Moses die dienaar van God het gesê wat hulle alles moet doen.
50 Hier is die name van die priesters van die nageslag van Aäron: Eleasar, Pinehas, Abisua,
51 Bukki, Ussi, Seragja,
52 Merajot, Amarja, Agitub,
53 Sadok en Agimaäs.
54 Hier is nou ook die name van die plekke waar die Leviete kon woon. Hulle het hulle eie plekke gekry om te woon. Die families van die nageslag van Kehat seun van Aäron het eerste hulle plekke gekry.
55 Die Juda-stam het vir hulle die stad Hebron gegee, en ook die weiveld rondom die stad.
56 Maar die stam het vir Kaleb seun van Jefunne die grond buite die stad gegee, hy kon daar ploeg en plant. Hulle het ook die muur rondom die grond vir hom gegee.
57 Die Juda-stam het vir die nageslag van Aäron die asielstad Hebron gegee en ook die stede Libna, Jattir, Estemoa,
58 Giles, Debir,
59 Asan en Bet-Semes. Hulle het ook die weiveld gekry wat rondom die stede was.
60 Die Benjamin-stam het vir die Leviete die stede Geba, Alemet en Anatot gegee. Hierdie Leviete-families het almal saam 13 stede gekry.
61 Die ander families van die nageslag van Kehat het tien stede gekry, dit was waar die halwe Manasse-stam gewoon het.
62 Die families van die nageslag van Gersom het 13 stede gekry van die stamme Issaskar, Aser en Naftali en van die Manasse-stam wat in Basan gewoon het.
63 Die families van die nageslag van Merari het twaalf stede gekry van die stamme Ruben, Gad en Sebulon.
64 Die Israeliete het vir die Leviete die stede gegee saam met die weivelde rondom die stede.
65 Die stamme Juda, Simeon en Benjamin het almal hierdie stede gegee.
66 Die Kehat-families het hulle stede van die Efraim-stam gekry.
67 Die stam het vir hulle die asielstad Sigem in die Efraim-berge gegee, en die stede Geser,
68 Jokmeam, Bet-Goron,
69 Ajalon en Gat-Rimmon, en ook die weiveld rondom die stede.
70 Die een helfte van die Manasse-stam het wes van die Jordaan-rivier gewoon. Hulle het die stede Aner en Bilam vir die ander families van die nageslag van Kehat gegee, en ook die weivelde rondom die stede.
71 Die ander helfte van die Manasse-stam het oos van die Jordaan-rivier gewoon. Hulle het die stad Golan in die land Basan en die stad Astarot vir die families van die nageslag van Gersom gegee, en ook die weiveld rondom die stede.
72 Die Issaskar-stam het vir die Gersom-families die stede Kedes, Daberat,
73 Ramot en Anem gegee, saam met die weiveld rondom die stede.
74 Die Aser-stam het die stede Masal, Abdon,
75 Gukok en Regob gegee, saam met die weiveld rondom die stede.
76 Die Naftali-stam het die stede Kedes in Galilea, Gammon en Kirjatajim gegee, saam met die weiveld rondom die stede.
77 Die Merari-families wat oorgebly het, het die stede Rimmono en Tabor gekry van die Sebulon-stam, saam met die weiveld rondom die stede.
78 Oorkant die Jordaan-rivier, oos van die rivier oorkant Jerigo, het die Ruben-stam die stad Beser in die woestyn gegee, en ook die stede Jahas,
79 Kedemot en Mefaät, saam met die weiveld rondom die stede.
80 Die Gad-stam het die stede Ramot in Gilead, Maganajim,
81 Gesbon en Jaser gegee, saam met die weiveld rondom die stede.