7 Dit het toe gebeur. God het die hemeldak gemaak en Hy het die water onder die dak geskei van die water bo die dak.
8 God het die ronde dak “hemel” genoem. Dit het aand geword en daarna het dit oggend geword. Dit was die tweede dag.
9 God het gesê: “Die water onder die hemel moet bymekaarkom op een plek, sodat daar ook grond kan wees.”Dit het toe gebeur.
10 God het die grond “aarde” genoem en Hy het die water “see” genoem. God het gesien dit is goed.
11 God het gesê: “Daar moet plante op die aarde groei – groen plante wat saad dra, en bome wat vrugte dra en wat saad in die vrugte dra.”Dit het toe gebeur.
12 Daar het plante op die aarde gegroei – groen plante wat hulle eie saad dra, en bome wat hulle eie saad in die vrugte dra. God het gesien dit is goed.
13 Dit het aand geword en daarna het dit oggend geword. Dit was die derde dag.