1 As jy iets het waarvan jy moet lewe, en jy stuur dit weg op die water, dan sal jy dit miskien ná ’n lang tyd terugkry.
2 Jy moet jou goed verdeel en dit vir sewe of ag mense gee, want jy weet nie watter slegte dinge sal op die aarde gebeur nie.
3 Wanneer die wolke vol water is, dan reën dit op die aarde totdat die wolke leeg is. Wanneer ’n boom val, dan bly die boom lê daar waar dit geval het, dit maak nie saak of dit na die noorde of na die suide val nie.
4 As jy eers wil kyk hoe die wind waai, dan sal jy nie saai nie. As jy eers wil kyk of dit sal reën, dan sal jy nie koring afsny nie.
5 Jy weet nie hoe die wind sal waai nie en jy weet nie hoe die bene van ’n baba in die liggaam van ’n swanger vrou kom nie. Dit is dieselfde: Jy weet nie wat God sal doen nie, God wat alles maak.