1 “Binnekort sal die Here die nasies vernietig wat nou in die land bly wat Hy vir jou gaan gee. Jy gaan in hulle plek bly en hulle dorpe en hulle huise vir jouself vat.
2 Wanneer jy daar bly, moet jy drie stede in die land wat die Here vir jou gaan gee, eenkant sit waarin mense kan gaan wegkruip.
3 Verdeel die land wat die Here jou gaan gee in drie distrikte. Kies dan ’n stad in elke distrik. Sorg dat daar goeie paaie na hierdie stede toe is. As iemand moord pleeg, kan hy dan vlug en in een van hierdie stede gaan skuil.
4 “As iemand per ongeluk ’n persoon doodmaak sonder dat hy iets teen daardie mens gehad het, moet hy na hierdie stad toe vlug. Daar sal hy veilig wees.