19 Yeshua en sy studentevolgelinge het opgestaan en hom gevolg,Num 15:38
20 en let op, ’n vrou wat twaalf jaar lank aan bloedvloeiing gely het, het van agter af gekom en die bloulyn-soomtossel van Sy kleed aangeraak,
21 want sy het in haarself gesê: “Selfs as ek net Sy klere kan aanraak, sal ek gesond word.”
22 Yeshua het omgedraai en haar gesien en gesê: “Wees bemoedig My dogter, jou vertroue het jou gered” en die vrou is van daardie oomblik af genees.
23 Yeshua het by die huis van die heerser gekom en die weeklaers en die groep omgekrapte mense gesien.
24 Hy sê vir hulle: “Gaan julle weg, want die dogter is nie dood nie, maar slaap.” Hulle het vir Hom gelag.
25 Nadat Hy die skare uitgestuur het, het Hy ingegaan, haar hand vasgevat en die dogter laat opstaan.