6 Yeshua het hom gesien lê en Hy het geweet dat hy al ’n lang tyd so is. Hy vra vir hom: “Wil jy gesond word?”
7 Die sieke antwoord Hom en sê: “O, my Meester, ek het niemand om my in die doopbad te sit as die water geroer word nie en terwyl ek op pad is, gaan ’n ander een voor my in.”
8 Yeshua sê vir hom: “Staan op, tel jou bedmat op en loop.”
9 Dadelik het die man gesond geword en sy bedmat opgetel en geloop en daardie dag was Shabbat.
10 Die Jode sê vir hom wat genees is: “Dit is Shabbat; dit is nie toegelaat vir jou om jou bedmat te dra nie.”
11 Hy antwoord en sê vir hulle: “Hy wat my gesond gemaak het, Hy het vir my gesê: ‘Tel jou bedmat op en loop’.”
12 Hulle vra hom: “Wie is die man wat vir jou gesê het: tel jou bedmat op en loop?”