7 Die sieke antwoord Hom en sê: “O, my Meester, ek het niemand om my in die doopbad te sit as die water geroer word nie en terwyl ek op pad is, gaan ’n ander een voor my in.”
8 Yeshua sê vir hom: “Staan op, tel jou bedmat op en loop.”
9 Dadelik het die man gesond geword en sy bedmat opgetel en geloop en daardie dag was Shabbat.
10 Die Jode sê vir hom wat genees is: “Dit is Shabbat; dit is nie toegelaat vir jou om jou bedmat te dra nie.”
11 Hy antwoord en sê vir hulle: “Hy wat my gesond gemaak het, Hy het vir my gesê: ‘Tel jou bedmat op en loop’.”
12 Hulle vra hom: “Wie is die man wat vir jou gesê het: tel jou bedmat op en loop?”
13 Hy wat gesond geword het, het nie geweet wie Yeshua was nie, want Hy het Homself stilweg in die groot skare wat daar was, onttrek.