2 want die koning en sy prinse en die hele vergadering van Yisra’el het in Yerushalayim besluit om die Pesag tot יהוה, die God van Yisra’el, in die tweede maand te hou,
3 want hulle kon dit nie op die vasgestelde tyd hou nie omdat die priesters hulle nie afgesonder het nie en die volk se leermeesters hulle nie in Yerushalayim laat saamkom het nie.
4 Die saak was reg in die oë van die koning en in die oë van die hele volk van Yisra’el.
5 Hulle het die opdrag bevestig om dit uit te voer en ’n aankondiging gemaak deur die hele Yisra’el, vanaf Be’er-Sh’va tot by Dan, dat hulle moes kom om die Pesag tot eer van יהוה, die God van Yisra’el, in Yerushalayim te hou, want hulle het dit vir ’n lang tyd nie gehou, soos voorgeskryf is nie.
6 Die hardlopers het met die briewe uit die hand van die koning en sy prinse deur die hele Yisra’el en Y’hudah gegaan en volgens die bevel van die koning gesê: “Seuns van Yisra’el, draai julle weer terug na יהוה, die God van Avraham, Yitz’gak en Yisra’el en Hy sal Hom draai tot julle, die wat oorgebly en ontsnap het uit die hand van die konings van Ashur
7 en wees nie soos julle vaders en julle broers wat oortree het teen יהוה, die God van ons vaders sodat Hy hulle oorgegee het aan verlatenheid nie, soos julle sien.
8 Wees nou nie hardnekkig, soos julle vaders was nie, maar kom in die Afgesonderde Plek wat Hy vir ewig afgesonder het en dien יהוה, julle God, dat die erns van Sy woede van julle af kan wegdraai,