1 So sê יהוה: “Gaan koop vir jou ’n pottebakker se kleikruik en vat sommige van die oudstes van die volk en sommige van die senior priesters.
2 Gaan dan uit na die vallei van Ben-Hinnom, wat by die ingang van die Potskerwepoort lê en verkondig daar die woorde wat Ek jou gee
3 en sê: “Hoor die woord van יהוה, o konings van Y’hudah en inwoners van Yerushalayim! So sê יהוה-Tzva’ot, die God van Yisra’el: “Let op, Ek is op die punt om ’n katastrofe oor hierdie plek te bring sodat elkeen wat dit hoor, se ore sal tuit.
4 Omdat hulle My verlaat het en hierdie ’n vreemde plek gemaak het en daarin offers gebrand het vir ander gode, wat nie hulle of hulle vaders of die konings van Y’hudah geken het nie en omdat hulle hierdie plek gevul het met die bloed van die onskuldigesDeut 18:10
5 en die hoë plekke vir Ba’al gebou het om hulle seuns in die vuur te verbrand as brandoffers aan Ba’al; iets wat Ek nooit beveel of van gepraat het nie, of wat nooit in My gedagtes opgekom het nie;Yir 7:31-32; 2 Kon 23:10
6 daarom, let op, daar kom dae,” verklaar יהוה, “wanneer hierdie plek nie langer Tofet of die vallei van Ben-Hinnom genoem sal word nie, maar eerder die Vallei van Slagting.