19 Ragel het gesterf en hulle het haar op pad na Efrata, dit is Betlehem, begrawe.
20 Jakob het ’n klip as gedenkteken op die graf gesit. Dit staan vandag nog daar.
21 Daarna het Jakob sy reis voortgesit en kamp opgeslaan by Migdal-Eder.
22 Terwyl hulle in daardie landstreek was, het Ruben by Bilha, sy pa se slavinvrou, geslaap. Jakob het hiervan te hore gekom.Hier volg die name van Jakob se twaalf seuns:
23 Die seuns van Lea was: Ruben, Jakob se oudste seun, Simeon, Levi, Juda, Issaskar en Sebulon.
24 Die seuns van Ragel was Josef en Benjamin.
25 Die seuns van Bilha, Ragel se slavin, was Dan en Naftali.