7 Josef het ook vir Jakob, sy pa, gebring en hom aan die farao voorgestel. Jakob het die farao geseën.
8 “Hoe oud is jy?” vra die farao.
9 “Ek lewe al 130 jaar as ’n vreemdeling,” antwoord Jakob. “In vergelyking met my voorouers is my jare min, maar egter vol swaarkry.”
10 Net voordat hy vertrek, het Jakob weer die farao met ’n seën gegroet.
11 Josef het toe die beste deel van Egipte, die land van Rameses, aan sy pa en broers gegee om hulle daar te vestig, net soos die farao beveel het.
12 Josef het ook volgens die getal afhanklikes aan sy pa en broers kos voorsien.
13 Intussen het die hongersnood al hoe erger geword. Die mense van Egipte en Kanaän het swaar daaronder gely.