21 Die Leviete het hulle reggekry. Hulle het hulle klere gewas. Aäron het hulle toe voor die Here gebring om hulle aan Hom op te dra. Hy het vir hulle versoening gedoen om hulle te reinig.
22 Van toe af het die Leviete in die tabernakel ingegaan om daar hulle werk saam met Aäron en sy seuns te doen. Hulle het gemaak presies net soos die Here vir Moses oor die Leviete gesê het.
23 Die Here het ook vir Moses gesê:
24 “Die reël vir die Leviete is dat hulle van die ouderdom van 25 af in die tabernakel moet kom diens doen.
25 Ná 50 moet hulle ophou. Hulle mag dan nie langer in die tabernakel werk nie.
26 Hulle mag wel nog hulle mede-Leviete help om wag te staan by die tabernakel. Self mag hulle egter nie langer meer daar werk nie. So kan jy die werk van die Leviete organiseer.”