6 Piniyalan sa mga sulugoon sa palasyo: si AhizarPiniyalan sa pinugos nga pagtrabaho: si Adoniram nga anak ni Abda
7 Si Solomon may 12 ka gobernador sa tibuok Israel. Ang matag usa kanila moangkon ug usa ka bulan matag tuig sa paghatag ug pagkaon nga gikinahanglan sa hari ug sa tibuok palasyo.
8 Kining mosunod mao ang mga ngalan sa 12 ka opisyal ug ang mga dapit nga ilang gidumala:Si Benhur: didto sa kabungtoran sa Efraim
9 Si Bendecar: sa mga siyudad sa Macas, Saalbim, Bet Semes, Elon ug sa Bet Hanan
10 Si Benhesed: sa mga siyudad sa Arubot ug sa Sucot ug sa tanang kayutaan sa Efer
11 Si Benabinadab nga naminyo sa anak ni Solomon nga si Tafat: sa tibuok kayutaan sa Dor
12 Si Baana nga anak ni Ahilud: sa mga siyudad sa Taanac, Megido ug sa tibuok kayutaan duol sa Betsan nga duol sa lungsod sa Zaretan, sa habagatan sa lungsod sa Jezreel, hangtod sa siyudad sa Abel Mehola ug sa siyudad sa Jocmeam