34 Apan kon mobalik ka sa siyudad ug ingnon mo si Absalom, ‘Himoa ako nga imong sulugoon, Kamahalan, ingon nga sulugoon ako sa imong amahan kaniadto,’ masanta mo ang tambag ni Ahitofel.
35 Dili ba tua man didto si Sadok ug si Abiatar nga mga pari? Busa bisag unsay imong mabati sa palasyo sa hari, isugilon kang Sadok ug kang Abiatar.
36 Atua usab didto si Ahimaas nga anak ni Sadok ug si Jonatan nga anak ni Abiatar. Pinaagi kanila makataho ka kanako sa tanan nimong madunggan.”
37 Busa si Husai nga higala ni David miabot sa siyudad sa pagsulod gayod ni Absalom sa Jerusalem.