19 Gidala ni Moises ang mga bukog ni Jose sumala sa gipapanumpa ni Jose sa mga Israelita nga buhaton gayod nila kay si Jose miingon, “Motabang gayod kaninyo ang Dios; unya dad-a ninyo ang akong mga bukog.”
20 Mibiya sila sa Sucot ug nagkampo didto sa Etam, sa daplin sa kamingawan.
21 Sa adlaw, nag-una kanila ang Ginoo pinaagi sa panganod nga daw haligi aron paggiya kanila sa agianan. Sa gabii nag-una siya pinaagi sa kalayo aron paghatag kanila ug kahayag. Sa ingon makapanaw sila adlaw ug gabii.
22 Ang panganod kanunayng diha sa ilang atubangan panahon sa adlaw ug ang kalayo panahon sa gabii.