31-32 sa pagpadalag mensahe ngadto sa tanang binihag didto sa Babilonia ug sa pagsugilon kanila sa giingon sa Ginoo bahin kang Semaias: “Ako, ang Ginoo, mosilot kang Semaias ug sa tanan niyang kaliwat. Wala ko siya sugoa apan nagsulti siya kaninyo nga daw propeta ug gipatuo kamo niyag mga bakak. Dili siya makabaton ug kaliwat tipon kaninyo. Dili siya makakita sa mga maayong butang nga akong buhaton alang sa akong katawhan kay gidasig man niya sila sa pagsukol kanako. Ako, ang Ginoo, maoy nagsulti niini.”