13 May nagsugo ba kaniya sa pagdumala sa tibuok kalibotan? Siyempre wala!
14 Kon pagbuot sa Dios nga kuhaon ang gininhawa nga gihatag niya sa tawo,
15 mangamatay ang tanang mga tawo ug mobalik ngadto sa yuta.
16 “Kon may panabot ka, Job, pamatia kining akong isulti:
17 Makadumala ba ang Dios kon dili siya gusto ug hustisya? Nan, nganong gipakadaotan mo man ang matarong ug gamhanan nga Dios?
18 Dili ba nga ginabadlong man niya ang daotan ug walay pulos nga mga hari ug mga pangulo?
19 Wala niya pabori ang mga pangulo, ug wala niya ipalabi ang mga adunahan kaysa mga kabos, kay silang tanan managsama nga iyang gibuhat.