1 Unya mitubag si Bildad nga taga-Shua,
2 “Kanus-a ka pa ba moundang nianang imong gipanulti? Pagkasaba nimo ug walay pulos ang imong gipamulong!
3 Tuison ba diay sa Makagagahom nga Dios ang hustisya ug katarong?
4 Nakasala ang imong mga anak sa Dios, busa angay lang nga iya silang silotan.
5 Apan kon modangop ka sa Makagagahom nga Dios ug magpakilooy kaniya,
6 ug magkinabuhi nga hinlo ug matarong, bisan karon dayon tabangan ka niya ug iyang ibalik ang imong maayong kahimtang.