1 Ayaw kasina sa mga daotan o paninguha nga makighigala kanila,
2 kay ang ilang ginahunahuna ug ginapanulti mao ang pagpasakit sa uban.
3-4 Pinaagi sa kaalam matukod ang usa ka balay, ug mapalig-on kini pinaagi sa maayong panabot; ug ang mga kuwarto niini mapuno sa nindot ug mahalon nga mga kabtangan pinaagi sa kahibalo.
5 Ang mga tawong maalamon dakog ikatabang panahon sa gira,
6 kay kinahanglan ang ilang mga tambag sa pagpakiggira. Ug mas dako ang tsansa nga modaog kon daghan ang magtatambag.
7 Dili matugkad sa tawong buang-buang ang kaalam. Wala siyay ikasulti kon maalamong mga butang nay hisgotan.