15 Sa imong asawa ka lang angay makighilawas. Kon tubig pa kini, sa imong kaugalingong atabay ka lang magkuhag imong imnon.
16 Kay basig magluib usab ang imong asawa.
17 Kinahanglan nga imo lang siya; dili siya makighilawas sa ubang lalaki.
18 Magpakalipay ka diha sa imong asawa, ug hinaut nga panalanginan siya sa Dios.
19 Matahom siya ug maanindot sama sa usa, busa hinaut nga mawili ka kaniya ug mabihag kanunay sa iyang gugma.
20 Anak, ayaw pagpadani sa babayeng daotan o pagpakigrelasyon kaniya.
21 Kay nakita sa Ginoo ang tanan mong binuhatan; nagatan-aw siya bisan asa ka paingon.