10 Und d Isryheeler sollnd n "Barfueßhauser" nennen.
11 Wenn zween Mänder mitaynand raauffend und s Weib von dönn ainn iem helffen mecht aus dyr Gwalt von n andern, und si glangt iem eyn s Gmächt hin,
12 dann sollst irer d Hand abhacken. Derer sollst nit gnaedig sein.
13 Du sollst nit mit zwairerlai Gwichter werchen, wiest ys grad brauchst.
14 Aau bei de Holmaesser mueß allss sein Richtigkeit habn.
15 Du muesst recht und billig wögn und mössn, dyrmitst lang in dönn Land löbst, dös wo dyr Herr, dein Got, dir gibt.
16 Yn n Herrn, deinn Got, graust vor dene, die wo daa betriegnd.