5 Nik esan nuen:—Ene Jainko Jauna, zaude geldi! Nola eutsiko dio, bada, Israel herriak bere biziari, hain txikia izanik?
6 Errukitu zen Jainko Jauna, eta esan zuen:—Hau ere ez da gertatuko!
7 Beste hau ere erakutsi zidan Jaunak: horma baten ondoan zegoen bera, eskuan berun-haria zuela.
8 Jaunak galdetu zidan:—Zer ikusten duzu, Amos?—Berun-haria —erantzun nion.Eta Jaunak:—Horra, berun-hari honetaz, neure herria zuzen ote dabilen ikusi nahi dut. Ez baitut gehiago ez ikusiarenik egingo.
9 «Isaaken ondorengoen kultu-lekuaksoilduak izango dira,Israelen santutegiak deseginak.Jeroboamen errege-etxearen aurkaezpata jasoko dut».
10 Betelgo apaiz Amatziasek berri hau igorri zion Israelgo errege Jeroboami: «Hemen, israeldarren artean, Amos azpilanean ari zaizu. Herriak ezin du gehiago jasan haren esanik.
11 «Honela ari baita:“Jeroboam ezpataz hilko da,eta Israel herriaerbestera eramango dute,bere lurraldetik urrun”».