15 Kristoren bakea izan bedi nagusi zuen bihotzetan, horretara deitu baitzaituzte Jainkoak gorputz batean elkartuz. Eta izan zaitezte esker oneko.
16 Bizi bedi oparo zuengan Kristoren mezua. Irakatsi eta zentzarazi elkar jakinduria osoz. Kantatu Jainkoari esker onez eta bihotzez salmoak, gorazarreak eta kantu inspiratuak.
17 Eta esan nahiz egin dezazuen guztia, egizue Jesus Jaunaren izenean, honen bidez Jainko Aitari eskerrak emanez.
18 Emazteok, izan senarren menpeko, Jaunaren jarraitzaileei dagokien bezala.
19 Senarrok, maitatu emazteak eta ez izan horiekin zakar.
20 Seme-alabok, izan beti gurasoen esaneko, hori baitu Jaunak gogoko.
21 Gurasook, ez sumindu seme-alabak, bihozgabe ez daitezen.