20 ha he'i upe imemby kuimba'e 6háre: “Tupã ome'ẽ chéve jopói iporãva. Ko'ágã che ména che rerohorýtama ame'ẽ haguére chupe ta'ýra 6ha.”Upévare imemby ombohéra Zabulón.
21 Upéi imemby peteĩ kuña ha ombohéra Dina.
22 Tupã imandu'a avei Raquel rehe, ohendu iñembo'e ha Raquel ikatúma imemby.
23 Opyta hye guasu ha imembývo mitã kuimba'e osapukái:“Tupã che pe'áma tĩndy rekógui! Ombohéra imemby José, ha he'i:
24 Che memby jey nga'u ra'e mitã kuimba'e!”
25 Raquel oguereko rire imemby José, Jacob he'i Labánpe:—Tahami jeýna che retãme.
26 Eme'ẽ chéve umi che rembireko kuéra ha che ra'y kuéra aha haguã hendive kuéra. Reikuaa niko mba'eichaitépa amba'apo porã ndéve guarã.