20 Jajukána, jaity peteĩ ykua ipypukúvape ha ja'e hese tymba ñarõ ho'u hague chupe; jahecha mba'épa oiko umi mba'e ohecha vaekue iképegui.
21 Rubén ndoipotái ojejuka ityvýra ha he'i:—Natekotevẽi jajuka.
22 Jaitýnte ko ñu mbytépegua ykuápe.He'i upéicha, upéi oguenohẽ haguã upégui ha ogueraha jey itúvape.
23 Oguahẽvo José, ityke'ýra kuéra oipe'a chugui ijao jyva puku,
24 ha oity chupe peteĩ ykua pypukúpe.
25 Okaru aja hikuái, ohecha sapy'a Ismaelgua kuéra oúva Galaádgui. Ogueroja hikuái Egíptope ikaméllo apére mangaisy ha mba'e ryakuãita.
26 Ha Judá he'i ityvýra kuérape:—Maerãpa jajukáta ñande ryvýpe ha upéi ñañeha'ãta ñamokañy ojekuaa'ỹ haguã ñande jajuka hague chupe?