16 José he'i Faraónpe:—Che jehegui ndaikatu mo'ãi. Che rupi katu, oikuaaukáta ndéve Tupã umi mba'e nde képe rehecha vaekue.
17 Faraón he'i Josépe:—Ahecha añembo'yha ysyry guasu Nilo rembe'ýpe,
18 ha upe Nílogui osẽ 7 vaka ne porã ha nde kyráva ha okaru piritýpe.
19 Hapykuéri kuéra osẽ 7 vaka piru ñembyahýi, kãngue rei meméva. Umívagui ipiruvéva ndahechái gueteri Egíptope ko'agãite peve.
20 Ko'ãva omokõ umi 7 vaka kyrápe.
21 Umi ipirúva omokõ rire ikyrávape, ha'ete ku ndo'úiva mba'eve. Akóinte ipiru ho'u mboyve guaréicha. Upépe apáy.
22 Upéi ake jey, ha ahecha che képe peteĩ trígo 7 hakãva hi'a renyhẽ ha hi'ajupáva.