3 ជារៀងរាល់ថ្ងៃ ព្រះអង្គលើកព្រះហស្ដវាយខ្ញុំ ហើយវាយទៀត។
4 ព្រះអង្គវាយខ្ញុំដាច់សាច់ដាច់ស្បែកព្រះអង្គវាយបំបាក់ឆ្អឹងរបស់ខ្ញុំ។
5 ព្រះអង្គយកការឈឺចាប់ និងទុក្ខវេទនាមករុំព័ទ្ធជុំវិញខ្ញុំ។
6 ព្រះអង្គទុកឲ្យខ្ញុំរស់នៅក្នុងទីងងឹតដូចអស់អ្នកដែលស្លាប់តាំងពីយូរមកហើយ។
7 ព្រះអង្គចងខ្ញុំជាប់នឹងជញ្ជាំងដើម្បីកុំឲ្យខ្ញុំចេញរួចព្រះអង្គយកច្រវាក់ដ៏ធ្ងន់មកចងខ្ញុំ។
8 ខ្ញុំខំប្រឹងស្រែកអង្វរឲ្យគេជួយតែព្រះអង្គឃាត់ឃាំងគេមិនឲ្យឮពាក្យអង្វររបស់ខ្ញុំទេ។
9 ព្រះអង្គដាក់ផ្ទាំងថ្មរាំងផ្លូវខ្ញុំព្រះអង្គបានពង្វាងផ្លូវខ្ញុំ។