16 ពួកជំនួញរបស់អ្នកមានចំនួនច្រើនជាងផ្កាយនៅលើមេឃទៅទៀតពួកគេប្រៀបដូចជាចង្រិតត្រដាងស្លាបហើរចេញទៅ។
17 នាម៉ឺនរបស់អ្នកមានចំនួនច្រើនដូចហ្វូងកណ្ដូបពួករាជការរបស់អ្នកមានចំនួនច្រើនដូចឃ្មុំដែលធ្វើសំបុកតាមរបងផ្ទះនៅពេលរងា។ពេលថ្ងៃរះវាហើរទៅបាត់អស់គ្មាននរណាដឹងថា វាធ្លាប់ទំនៅកន្លែងណាទេ។
18 ស្ដេចស្រុកអាស្ស៊ីរីអើយមេទ័ពរបស់អ្នកស្លាប់បាត់អស់ហើយនាយទាហានរបស់អ្នកក៏លែងកំរើករហូតកងពលរបស់អ្នកខ្ចាត់ព្រាត់ទៅនៅតាមភ្នំគ្មាននរណាប្រមូលផ្ដុំពួកគេឡើយ។
19 គ្មានអ្វីព្យាបាលអ្នកឲ្យជាសះស្បើយបានទេព្រោះអ្នកត្រូវរបួសធ្ងន់ធ្ងរពេក។អស់អ្នកដែលឮដំណឹងអំពីមហន្តរាយរបស់អ្នកនឹងនាំគ្នាទះដៃអរដ្បិតមនុស្សគ្រប់ៗគ្នាសុទ្ធតែបានរងនូវអំពើឃោរឃៅរបស់អ្នក។