1 ក្រោយការទាំងនោះមក ក្នុងរាជ្យអើថាស៊ើកសេស ជាស្តេចពើស៊ី នោះអែសរ៉ា កូនសេរ៉ាយ៉ា ដែលជាកូនអ័សារាៗ ជាកូន ហ៊ីលគីយ៉ា
2 ហ៊ីលគីយ៉ា ជាកូនសាលូម សាលូមជាកូនសាដុកៗ ជាកូនអ័ហ៊ីទូប
3 អ័ហ៊ីទូប ជាកូនអ័ម៉ារាៗជាកូនអ័សារាៗជាកូនមេរ៉ាយ៉ូត
4 មេរ៉ាយ៉ូត ជាកូនសេរ៉ាហ៊ាៗជាកូនអ៊ូស៊ីៗជាកូនប៊ូកគី
5 ប៊ូកគី ជាកូនអ័ប៊ីសួរៗជាកូនភីនេហាសៗជាកូនអេលាសារៗជាកូនអើរ៉ុនដ៏ជាសំដេចសង្ឃ
6 អែសរ៉ានេះ លោកឡើងមកពីក្រុងបាប៊ីឡូន លោកជាស្មៀនស្ទាត់ជំនាញខាងក្រឹត្យវិន័យលោកម៉ូសេ ដែលព្រះយេហូវ៉ា ជាព្រះនៃសាសន៍អ៊ីស្រាអែលបានប្រទានមក ហើយដោយព្រោះព្រះហស្តនៃព្រះយេហូវ៉ា ជាព្រះនៃលោក បានសណ្ឋិតលើលោក បានជាស្តេចទ្រង់អនុញ្ញាតគ្រប់ទាំងសេចក្តីដែលលោកសូម