1 Egressus est post hæc vir de domo Levi : et accepit uxorem stirpis suæ.
2 Quæ concepit, et peperit filium : et videns eum elegantem, abscondit tribus mensibus.
3 Cumque jam celare non posset, sumpsit fiscellam scirpeam, et linivit eam bitumine ac pice : posuitque intus infantulum, et exposuit eum in carecto ripæ fluminis,
4 stante procul sorore ejus, et considerante eventum rei.