16 Videbunt gentes,et confundentur super omni fortitudine sua.Ponent manum super os,aures eorum surdæ erunt.
17 Lingent pulverem sicut serpentes ;velut reptilia terræ perturbabuntur in ædibus suis.Dominum Deum nostrum formidabunt,et timebunt te.
18 Quis, Deus, similis tui,qui aufers iniquitatem,et transis peccatum reliquiarum hæreditatis tuæ ?Non immittet ultra furorem suum,quoniam volens misericordiam est.
19 Revertetur, et miserebitur nostri ;deponet iniquitates nostras,et projiciet in profundum maris omnia peccata nostra.
20 Dabis veritatem Jacob,misericordiam Abraham,quæ jurasti patribus nostris a diebus antiquis.