15 et faciat ei dignam habitationem,et in pariete ponens illud,et confirmans ferro
16 ne forte cadat,prospiciens illi :sciens quoniam non potest adjuvare se :imago enim est, et opus est illi adjutorium.
17 Et de substantia sua, et de filiis suis,et de nuptiis votum faciens inquirit :non erubescit loqui cum illo qui sine anima est.
18 Et pro sanitate quidem infirmum deprecatur,et pro vita rogat mortuum,et in adjutorium inutilem invocat.
19 Et pro itinere petit ab eo qui ambulare non potest ;et de acquirendo, et de operando,et de omnium rerum eventu,petit ab eo qui in omnibus est inutilis.